انا النهارده اول مره هكتب وبصراحه مش عارف اكتب ايه انا فى الاول حابب اكتب علشان الناس تعرف ويمكن حد يستفيد من اللى بكتبه انا طبعا مثلى الجنس والسبب انى اتعرضت للاساءه الجنسيه وانا طفل يعنى من الاخر اغتصاب ومتكرر ولان احنا بنخاف قوى من الموضوع ده خفت وقتها احكى لحد ولما كبرت لقيت نفسى ببعد عن الناس وبحب اكون لوحدى خايف محدش يفهمنى وطبعا اول مره قابلت فيها واحد مثلى زى حالاتى كنت مبسوط وخايف بس الحاجه الوحيده اللى فكرت فيها وقتها الانتقام من الاتنين اللى اغتصبونى وانتقمت منهم فى الشخص اللى قابلته وقتها واللى مش فاكر حتى ملامحه لانى مقابلتوش تانى زى ناس كتير الواحد بيقابلهم مره وبعدين حسيت بالراحه لان اللى حصل معايا انا عملته فى غيرى واستمريت على ده الحال فتره مش طويله لحد لما حياتى انقلبت واتغيرت وانتقلت للعيش فى بلدى وسبت البلد اللى كنت عايش فيها وهناك دخلت الجامعه وعرفت ناس جديده وعشت حياه جديده وكنت قربت انسى انى مثلى بصراحه لغايه ما جه يوم وقابلت واحد ومعرفش ازاى حس انى مثلى وبصراحه انا كمان عرفت من نظراته يعنى تقدر تقول رادرا خاص عندنا بنعرف بيه بعض واتعرفنا وفضلنا مع بعض فتره مكذبش عليكم كانت افضل واسعد ايام حياتى لانى حبيته وقتها بجد الحكايه طويله وهنكملها فى مرات تانيه بس انا برفض انى افضل مثلى رغم انى متقبل نفسى ومتصالح معاها وعارف ان اللى حصل مش بايدى وانى ضحيه اه ضحيه متستغربوش لكن فى حجات كتير حصلت معايا خليتنى فكرت ولقيت انى رغم كل شىء برفض اكون مثلى عالاقل من الخارج ولو هيفضل الاحساس جوايا هحاول اكتمه واتمنى انى انحج فى المشوار ده واوصل ودعواتكم معايا مش عارف اسلوبى فى الكتابه عجبكم لو فى حاجه يا ريت تقولوا لانى اول مره اكتب
